aquilaaquilonis (aquilaaquilonis) wrote in oldrus,
aquilaaquilonis
aquilaaquilonis
oldrus

Categories:

Ранние оценки татарского ига в русской словесности

Евразийское истолкование русской истории имеет ряд разновидностей, но все они сходятся в том, что татарское завоевание Руси было для нее благотворным. Согласно версии Льва Гумилева, Русь вступила с Ордой в добровольный симбиоз, потому что русские люди увидели в подчинении татарской власти пользу для себя. Так продолжалось в течение нескольких десятилетий, пока хан Узбек не ввел ислам в качестве государственной религии Орды, что и положило конец идиллии в отношениях между татарами и русскими. Для того чтобы убедиться в том, что эта идея, как и все прочие идеи евразийцев, является ложью, обратимся к самым ранним памятникам русской словесности, в которых выражено отношение русского народа к татарской власти.

Правило митрополита Кирилла (Владимир, 1274 г.)
Правило Кюрила, митрополита роуськаго, съшьдъшихся епископъ: Далмата нооугородьского, Игнатья ростовьского, Феогноста переяславьского, Симеона полотьскаго, на поставление епископа Серапиона володимирскаго
Кыи оубо прибытокъ наследовахомъ, оставльше Божия правила? не разсея ли ны Богъ по лицю всея земля? не взяти ли быша гради наши? не падоша ли сильнии наши князи остриемь меча? не поведени ли быша въ пленъ чада наша? не запоустеша ли святыя Божия церкви? не томими ли есмы на всякъ день от безбожныхъ и нечистыхъ поганъ? Си вся бывають намъ, зане не хранимъ правилъ святыхъ нашихъ и преподобныхъ Отець.
Русская Историческая Библиотека. Т. VI. СПб., 1908. Стб. 85-86

Слово 2 Серапиона Владимирского (Владимир, до 1275 г.)
Страшно есть, чада, впасти въ гневъ божий. Чему не видем, что придя на ны, в семь житии еще сущимъ? Чего не приведохомъ на ся? Какия казни от Бога не въсприяхомъ? Не пленена ли бысть земля наша? Не взяти ли быша гради наши? Не вскоре ли падоша отци и братия наши трупиемь на землю? Не ведены ли быша жены и чада наша въ пленъ? <Не порабощени быхомъ оставше[ися] горкою си работою от иноплеменик? Се оуже къ 40 лет приближаеть томление и мука, и дани тяжкыя на ны не престануть, глади, мороке животъ наших; и всласть хлеба своего изъести не можем; и въздыхание наше и печаль сушать кости наша.
Е.В. Петухов. Серапион Владимирский, русский проповедник XIII века. СПб., 1888

Повесть о Михаиле и Федоре Черниговских (Ростов, 1271-1277 гг.)
Си блаженыи князь Михаилъ от оуны версы Христа взлюбивъ и Пречистую Его Матерь и оумъ свои к нему вперивъ кротостию и милостнею къ оубогимъ. И вся пустошная мира его отвергъ богатьство и славу сию временную, еже есть хуже паоучины. Егда же бысть нахожение иноплеменникъ на землю русьскую гневомь Божиимь за умножение грех наших, избиша многи князи сродники его, а Михаило отъеха въ оугры, якоже пророкъ глаголеть: не оубоюся злая, яко Ты со мною еси. Посихъ осадивъ я по городомъ изочтоша я в число и начаша звати я ко цесарю своему глаголемому Батыю. И начаша я лстити веляче ити сквозе огнь и кланятися солнцю идоломъ и прельстиша многи славою пустошною мира сего. А иже приношахоу къ цесарю дары, от всего вземлюще въ огнь метаху, яко же и перси творят. Михаило же рече: не створю азъ, не иду сквозе огнь, не кланяюся твари, но кланяюся Отцу и Сыну и Святому Духу. А цесарю вашему кланяюся, понеже поручи ему Богъ царство света сего. Некто же от велможь цесаря того глаголемыи Елдега повеле мучити различными муками и посемь повеле честную его главу отрезати, и предасть душю в руце Господеви новосущныи мученикъ. Боляринъ же его Феодоръ, виде господина своего преобидевша славу сию суетную, и тъ такоже оукори веру ихъ и Христа с дерзновениемь исповеда. И рече: Михаиле, аще теломъ отиде отселе, то молитвою пособита ми с братома си Борисомь и Глебомь. И того тако же мучивше честную его главу отрезаша. Телеси же ею повергоша. А душа ихъ взидоша на небеса. Показа же Господь столпъ огненъ над телесы ею от земля до небесе и свеща многи и пение ангелское. На неколико же лет не бысть памяти има, вложи Богъ въ сердце благочестивыма и правоверныма нашема князема внукома его Борису и Глебу, братии его и матери ихъ Марии, и создаста црьковь во имя его. И оуставиша праздновати месяца семтября въ 20 день на память святаго мученика Еоустафия, в оньже день пострадаша Христа ради. Ты же, Михаиле, помолися за внука своя Бориса и Глеба с Феодоромь благочестивымъ мирно державу царствия ихъ управити на многа лета и от нужа сея поганых избавита и вся верою память ваю празднующа заступита от скорби и печали и всякия нужа славящих ваю память.
Н.И. Серебрянский Древнерусские княжеские жития (Обзор редакций и тексты) // Чтения в Обществе истории и древностей российских. М., 1915. Стр. 50-51

Написание монаха Акиндина к великому князю Михаилу Ярославичу (Тверь, ок. 1311 г.)
Слышахъ бо некыя безочествомъ известующа вины въ гресехъ, поганьскаго ради насилия се творяще – пресвятое и не продаемое продають и купять, ихже Апостолъ суесловникы и умъ погубивша нарече. Како не стыдитеся се глаголюще? Поганый бо, ли тать, ли разбойникъ, где видить богатьство, то всяко тщание творить пограбити, ли покрасти, ли разбити; а идеже нищата Христова смирения, ту не надеется ничто же приобрести, то и не насилить и не томить… Нынешнии же како не стыдятся, изветы кривыми мнящеся поганьскыя деля нужа се творяще?..
Разумей, боголюбче, державный княже, яко преслушания ради божественныхъ номоканонъ святыхъ Апослолъ и сборныхъ отечьскыхъ вся злая приходять на ны. Не падоша ли силнии наши и ерееви наши остреемъ меча? не преданы ли быша въ полонъ чада наша въ сквернеи руце? не осквер[не]на ли быша святая наша въ опустение? Быхомъ въ смехъ же и въ поругание живущимъ окрестъ насъ языкомъ.
Русская историческая библиотека. Т. VI, изд. 2. СПб, 1908. Стб. 154

Житие Михаила Ярославича Тверского (Тверь, 1319-1320 гг.)
Господь же премилостивый Богъ божественным своимъ промышлениемъ на последний векъ яви благодать свою на русскомъ языце: приведе великого князя Владимера русскаго въ крещение: Вълодимеръ же, просвещенъ Святаго Духа благодатию, введе всю землю русскую въ крещение. Оттоле распространися святая вера по всей земли, и бысть веселие и радость велика в новопросвещенных людехъ; точию единъ дияволъ сетовашеся, побеждаемъ от тех, имиже преже техъ чтим бываше, жертву приимая и вся угодная. Сего не терпя, врагъ душь наших опрометашеся, льстивый, како бы съвратити с праваго пути ихъ; и вложи в сердце ихъ зависть, ненависть, братоубийство; нача въсхитити и имения сынъ подо отцемъ, брат менший под старейшим братомъ, умножися неправда и злоба многа въ человецехъ, и предашеся въ слабость света сего скороминующаго. Господь же премилостивый Богъ, не терпя видети погибающа от диявола род нашь, претяше намъ казньми, хотя нас обратити от злобъ нашихъ, посла на ны казнь, овогда глад, овогда смерть въ человецехъ и скотехъ; конечную же пагубу преда нас в руце измаилтяном. Оттоле начахомъ дань даяти по татарьскому языку. И егда коему княземъ нашим доставашеся великое княжение, хожаше князи русстии въ Орду къ цареви, носящи множество имения своего.
По великомъ жестоком пленении русстемъ минувшемъ лет 34.
[От татарского нашествия в 1237 г. до рождения Михаила Ярославича в 1271 г.]
Библиотека литературы Древней Руси. Т. 6. СПб., 1999. Стр. 70

Житие митрополита Петра (Москва, 1327 г.)
И пришедъ [митрополит Петр] во свою митрополью, и нача учити заблудшаа крестьяны, ослабевшаа нужа ради поганыхъ иноверець, протолкуя Евангельскаа писаниа и апостольскаа, якоже великий Василей, Иоанъ Златоустый, Григорей, та ученья излагаа и къ семоу свое смирение являя, и темъ утверждая истинную веру во крестьянехъ, преходя Волыньскую землю и Киевьскую, и Суздальскую землю, уча везде вся.
Макарий. История русской церкви. СПб., 1866. Т. IV. Стр. 309-310


Итого: «ежедневное томление от безбожных и нечистых язычников», «горькое рабство у иноплеменников», «томление и мука», «нужда (принуждение) язычников», «языческое насилие», «языческая нужда (принуждение)», «смех и поругание», «конечная пагуба», «великое жестокое пленение русское», «нужда (принуждение) поганых иноверцев».
Tags: источники, кочевники
Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 32 comments